Қазақстан Конституциясының жаңа редакциясын қабылдау жөніндегі республикалық референдумда еліміздің барлық өңірлерінде және шетелде 10 388 учаске жұмыс істеді.
Қазақстан Республикасы Орталық референдум комиссиясының деректері бойынша, Конституцияның жаңа редакциясын қабылдау үшін 7 954 667 азамат, немесе дауыс беруге қатысушылардың 87,15% дауыс берді.
Қарсы 898 099 адам шықты.
Дауыс беруге 12 482 613 дауыс беру құқығы бар азаматтың 9 127 192-сі қатысты. Дауыс беру белсенділігі 73,12% құрады.
Осылайша, референдум өтті деп есептеледі, өйткені дауыс беруге референдумға қатысу құқығы бар азаматтардың жартысынан көбі қатысты.
Конституцияның жаңа редакциясын қабылдау мәселесі бойынша республикалық референдум 2026 жылғы 15 наурызда өтті.
Алдын ала деректер бойынша, Конституцияның жаңа редакциясы дауыс беруге қатысушылардың көпшілігінің қолдауына ие болды.