Қазақстанда азаматтық авиациядағы ұшу ережелері жаңартылды — өзгерістер қауіпсіздік талаптарына, экипаж жұмысына және бортық деректерді пайдалануға қатысты.
Қазақстан Республикасы Көлік министрлігі 2017 жылдан бері қолданылып келе жатқан нормаларды жаңартатын тиісті бұйрықты бекітті.
МАС БОЛУ ЖАҒДАЙЫНДА ЖҰМЫС ІСТЕУГЕ ТЫЙЫМ САЛУ
Құжат деректері бойынша, өзгерістер ережелерді халықаралық стандарттарға сәйкестендіруге бағытталған. Ережелерде алкогольдік, есірткілік немесе уытқұмарлық мас болу жағдайында міндеттерді орындауға тыйым салынған.
Мұндай жағдайлар анықталған кезде, ұшуларды орындауға және қамтамасыз етуге байланысты адамдар жұмыстан шеттетілуге жатады. Сондай-ақ, жұмыс қабілетін төмендетіп, ұшу қауіпсіздігіне әсер етуі мүмкін күй ретінде «шаршау» анықтамасы енгізілді.
ҰШУЛАРДЫ БАСҚАРУ ҮШІН ЖАУАПКЕРШІЛІК
Құжат ұшуларды басқару үшін жауапкершілікті бөлуді нақтылайды.
Жауапкершілік пайдаланушыға, әуе кемесінің командиріне (ӘКК), сондай-ақ бақылау жүйесінде оның қатысуы көзделген жағдайда ұшу диспетчеріне жүктеледі.
Апаттық жағдай туындаған кезде ұшу диспетчері белгіленген рәсімдер шеңберінде әрекет етуге және экипажға қажетті ақпаратты беруге міндетті.
ДЕРЕКТЕР МЕН ӨЗІНЖАЗҒЫШҚА ҚОЙЫЛАТЫН ТАЛАПТАР
Борттық өзінжазғыштар деректерін пайдалану тәртібі нақтыланды.
CVR, FDR және басқа жүйелердің жазбаларын тек авиациялық оқиғаларды тергеу шеңберінде немесе ұшу қауіпсіздігін қамтамасыз ету мақсатында пайдалануға рұқсат етіледі. Сондай-ақ, мұндай деректерді қорғау талаптары көзделген.
ҚОСЫМША ТЕХНИКАЛЫҚ НОРМАЛАР
Ережелерге келесі жаңа анықтамалар мен нақтылаулар енгізілді:
- апаттық таратқыштардың (ELT) жіктелуі;
- түнгі көру жүйелерін (NVG және NVIS) пайдалану;
- әуе кемелерін пайдалануға байланысты бірқатар ұғымдар.
Ережелерге сондай-ақ сипаттамаларға негізделген аэродромдардың пайдалану минимумдарына (PBAOM) қатысты ережелер, сондай-ақ пайдаланушылардың жекелеген санаттары үшін ұшу қауіпсіздігін басқару жүйелерін (ҰҚБЖ) енгізу талаптары енгізілді.