Департамент Сыбайлас жемқорлыққа қарсы іс-қимыл агенттігінің Ұлытау облысы бойынша департаменті қоқыс полигондарына мониторинг жүргізді.
«Мониторинг барысында бірқатар бұзушылықтар анықталды, оның ішінде полигондардың қажетті рұқсаттарсыз жұмыс істеуі, қалдықтарды көму технологияларының сәйкес келмеуі, коммуналдық қалдықтарды жинау және тасымалдау саласындағы сыбайлас жемқорлық тәуекелдері, қаржылық есептілікті тапсыру кезінде шығындарды негізсіз көтеру және басқалар», - деп хабарлады Антикордың баспасөз қызметі.
Нәтижесінде экологиялық талаптарды сақтамағаны үшін Жезқазған қаласы әкімінің коммуналдық саланы бақылайтын орынбасары Әбен Б.А. 100 АЕК (393 200 теңге) мөлшерінде айыппұл түріндегі әкімшілік жауапкершілікке тартылды.
Бұзушылықтар қалдықтарды жинақтау, тасымалдау, жою, залалсыздандыру және жинауға қатысты екені атап өтілді.