Антикор ауыл шаруашылығы министрлігінің балық шаруашылығы комитетінің төрағасы Нариман Жүнісовке және Комитеттің балық ресурстарын қорғау және балық аулауды реттеу басқармасының басшысына қатысты тергеуді аяқтады.
Ведомство баспасөз қызметінің мәліметінше, олар 2021 жылдан 2024 жылдың ақпан айына дейінгі кезеңде кәсіпкерлерден пара алды деген күдікке ілінген. Пара жалпы қамқорлық үшін берілген.
«Тергеу соты күдіктіге қатысты «Электронды білезікті» қолдана отырып, «Үй қамағы» түріндегі бұлтартпау шарасын санкциялады», - делінген хабарламада.
Қылмыстық іс қарау үшін Астана қалалық қылмыстық істер жөніндегі ауданаралық сотына жіберілді.
Бұған дейін ауыл шаруашылығы министрлігі балық шаруашылығы комитетінің төрағасы мен басқа да адамдар күдікке ілінген сыбайлас жемқорлық фактілерінің схемасы белгілі болды.