Қаржылық мониторинг агенттігі (ҚМА) төрағасының орынбасары Жеңіс Елемесов «BizBirgemiz Qazaqstan» қайырымдылық қорының құрылтайшысы Перизат Қайратқа қатысты 1,7 млрд теңге жымқырды деген күдікпен жиналған 100 томдық іс туралы хабарлады.
Telegram-арнасы «Nege.Aqsha» ҚМА төрағасының орынбасарына сілтеме жасап, тергеу аяқталуға жақын екенін хабарлайды.
«Жуық арада біз аяқталғанын жариялаймыз, іспен танысу кезеңіне көшеміз. Танысу қанша уақытқа созылатынын нақты айта алмаймын, өйткені бұл қылмыстық процеске қатысушыларға байланысты. Қылмыстық іс материалдарының 100 томынан астамы бар, заттай дәлелдемелерді есептемегенде, сондықтан бәрі қоғамдық процеске байланысты болады», - деді Елемесов.
Белгілі болғандай, іс ҚР ҚК-нің 190-бабы «Алаяқтық» және ҚР ҚК-нің 218-бабы «Қылмыстық жолмен алынған ақшаны заңдастыру» бойынша тергелуде.
Перизат Қайрат Палестина тұрғындарына арналған қайырмалдықтарды және су тасқыны салдарын жоюға арналған қаражатты иемденді деген күдікке ілінгені атап өтіледі. Сонымен қатар ол мүгедек балаларға арналған оңалту орталығын құру үшін аукцион ұйымдастырып, қаражат жинағаны үшін әшкереленді. Осылайша Перизат шамамен 22 млн теңге жинап, оны жеке қажеттіліктеріне жұмсаған.
Сонымен қатар, Перизат Қайраттың анасы - Гайни Алашбаева - алаяқтыққа және қылмыстық жолмен алынған ақшаны заңдастыруға қатысты деп күдікке ілінген. Оған қатысты қылмыстық іс қозғалған.
Еске салайық, қараша айында белгілі болғандай, ҚМА еріктілер қозғалысының белсендісі және «BizBirgemiz Qazaqstan» қоғамдық қайырымдылық қорының құрылтайшысы Перизат Қайратқа қатысты тергеу жүргізуде. Ол 1,7 млрд теңге жымқырды деген күдікке ілінгені хабарланған болатын.
Желтоқсан ортасында сот күдіктінің элиталық жылжымайтын мүлкін, автокөліктерін, техникасын, киімдерін, аяқ киімдерін, зергерлік бұйымдарын, сондай-ақ әлемдік брендтердің сөмкелерін тәркіледі.