Денсаулық сақтау бұрынғы вице-министрі Олжас Әбішев 2020 жылы тергеу аясында тінту кезінде оның көлігі мен ақша қаражатына заңсыз тыйым салынғанын мәлімдеді.
press.kz Әбішевке сілтеме жасап хабарлағандай, қазір АФМ қызметкерлері бұрынғы шенеунікке оның мүлкін қайтармай отыр.
«Сот шешімі менің мүлкімді тәркілеудің жоқтығын көрсетеді. Демек, егер тәркілеу болмаған болса, мүлік – көлік, кілттер және ақша қайтарылуы тиіс», – деді Әбішев.
АФМ қызметкерлері Олжас Әбішевтің көлік кілттері мен ақшасын таба алмай жатқаны хабарланады.
«Олар сондай-ақ кінәлілерді таба алмайды және тәркілеудің болмауына қарамастан, мүлікті қайтарудан бас тартады, бұл заң бұзушылық болып табылады. Осы фактілердің бәрі прокуратураға жіберілді. Мен прокуратура шара қолданады деп күттім, бірақ тез арада емес. Прокуратура АФМ қызметкерлеріне қатысты «ұрлық» бабы бойынша қылмыстық іс қозғады», – деп қосты ол.
Әбішевтің айтуынша, Antikor қызметкерлері қылмыстық істі тіркеп, болған оқиғаның барлық мән-жайын анықтап жатыр.
Еске салайық, 2022 жылдың қазан айының соңында сот денсаулық сақтау экс-министрі Елжан Біртанов пен денсаулық сақтау бұрынғы вице-министрі Олжас Әбішевті лауазымды өкілеттігін теріс пайдаланды деп тапты.
Біртановқа 5 жыл бас бостандығын шектеу, Әбішевке – 4 жыл бас бостандығын шектеу жазасы тағайындалды. Екі сотталғанға да мемлекеттік қызметте лауазымдарды атқаруға өмір бойына тыйым салынды.