Алматыда «Saba Group» құрылыс компаниясына резонанстық бейнежазбаға байланысты жоспардан тыс тексеру жүргізіледі.
БАҚ мәліметінше, бұған дейін желіде «Думан» шағын ауданындағы үйдің іргетасының астындағы топырақ опырылып, ғимараттың шеті темір бағанаға ұқсас затпен тіреліп тұрғаны көрсетілген видео тараған.
Кейінірек темір тіреуді үйге «Saba Group» компаниясы орнатқаны белгілі болды.
«Алматы қалалық қала құрылысы бақылау басқармасы мердігер ұйымға қатысты құрылыс нормаларының сақталуын тексеру мақсатында жоспардан тыс тексеру жүргізіп жатыр», - делінген Алматы әкімдігінің баспасөз қызметінің хабарламасында.
Құрылыс компаниясы журналистерге бұл жаңалыққа түсініктеме бермей, оқиға туралы барлық ақпарат кейінірек жарияланатынын мәлімдеді.