(9 ақпан 2026 жыл | Дереккөз: ҚР Президенті жанындағы «Орталық коммуникациялар қызметі»)
2025 жылы Қазақстанның көлік саласы тасымалдау көлемінің өсуі мен халықаралық бағыттардың кеңеюін көрсетті. Жолдарды жөндеу және салу жұмыстары жүргізілді, теміржол паркі жаңғыртылды, әуе рейстерінің саны артты, теңіз және өзен бағыттары жаңартылды.
АВТОЖОЛДАР ЖӘНЕ ЦИФРЛЫҚ БАҚЫЛАУ
2025 жылы 13 мың км автомобиль жолдары салынып, жөнделді. Республикалық жолдардың 94% нормативтік жағдайда. 2027 жылдың соңына дейін 37 өткізу пунктін жаңғырту жоспарлануда.
Жолдардың жағдайы мен қозғалыс қарқындылығын цифрлық есепке алу үшін e-Joldar жүйесі құрылды. Жоспарланған 220 автоматтандырылған өлшеу станциясының 71-і орнатылды.
ӘУЕ ҚАТЫНАСЫ: БАҒЫТТАР ЖЕЛІСІ ЖӘНЕ ИНФРАҚҰРЫЛЫМ
Әуе паркі 109 ұшаққа дейін ұлғайтылды, оның ішінде 8 Airbus A320 және 4 Boeing 737 MAX 8 бар. 30 елмен 135 бағыт бойынша әуе қатынасы қалпына келтіріліп, ашылып, аптасына 626 рейс жиілігімен жұмыс істейді.
Арқалық әуежайын қалпына келтіру басталды, Алматы әуежайының дамуының Бас жоспары ұсынылды, ал TAV Airport Holding инвестициясы 362 млн АҚШ долларын құрады. «Қорғас – Шығыс қақпасы» АЭА-да әуежай салуға 250 млрд теңгеге келісім жасалды.
2025–2031 жылдарға арналған азаматтық ұшқышсыз әуе авиациясын дамыту тұжырымдамасы қабылданып, 35-тен астам халықаралық бағыт ашылды. ИКАО аудиті халықаралық стандарттарға сәйкестік деңгейін 95,7% көрсетті.
ТЕМІРЖОЛ ЖӘНЕ СУ КӨЛІГІ
Теміржол көлігімен тасымалдау көлемі 320 млн тоннаны құрады (2024 жылмен салыстырғанда +5,5%). 4,4 мың км-ден астам жол жөнделді, оның ішінде 2025 жылы 1 575 км. Достық – Мойынты екінші желісі (836 км) іске қосылды, Қызылжар – Мойынты (323 км) желісінің құрылысы басталды. 775 локомотив пен 2,7 мың платформаға келісімшарттар жасалды. 124 теміржол вокзалы жаңғыртылуда.
Теңіз көлігімен 8 млн тонна жүк тасымалданды (+7%). Теңіз порттары арқылы контейнерлік тасымалдау 29%-ға (90 637 ДФЭ), Транскаспий бағыты бойынша — 36%-ға өсті. Ақтау портында контейнерлік хаб салынды, Құрық–Баку бағытына құрғақ жүк тасымалдаушы кеме қойылды, екі паром сатып алынды. Өзен көлігімен тасымалдау 1,5 млн тоннаны құрады.
ХАЛЫҚАРАЛЫҚ АВТОТАСЫМАЛДАУ ЖӘНЕ ЦИФРЛАНДЫРУ
42 елмен халықаралық автотасымалдау туралы келісімдер жасалды. Түрікменстан және Иранмен рұқсатсыз тасымалдау жүйесі енгізілді. Қазақстан Қытай ішіне транзит жасау құқығын алды.
Қытай және Өзбекстанмен бірлесіп, рұқсаттар алмасудың электрондық жүйесі іске асырылды (ХБР-ның 65% цифрландырылды). Әзербайжан, Түркия және Қырғызстанмен жұмыс жалғасуда. Айыппұл жүйесімен интеграцияланған 73 автоматтандырылған салмақ бақылау станциясы орнатылды. Техникалық байқау операторларын бақылау күшейтілді.