Кәсіпорын жапондық шектеулер әсер еткен, Ресей юрисдикциясына жатпайтын 11 компанияның тізіміне енгізілген.
ORDA хабарлағандай, санкциялар Үндістан, Қазақстан, Қытай, БАӘ және Өзбекстан компанияларына да қатысты енгізілді.
«Жапония үкіметі санкциялар Украинадағы жағдайға байланысты Ресейге қарсы санкциялардың кезекті пакеті аясында енгізілетінін мәлімдеді», — делінген хабарламада..
Еске салайық, 2024 жылғы ақпанда Еуропалық Одақ Ресейге және Қазақстан, Өзбекстан, Қытай, Иран, Түркия және РФ-мен байланысты басқа да елдердің компанияларына қатысты санкциялардың кезекті пакетін жариялады.
Санкциялық тізімдерге қазақстандық «Elem Group» ЖШС де енгізілді. Ол «Ресейдің әскери-өнеркәсіптік кешенін қолдауда» және «сауда шектеулерін айналып өтуге қатысуда» күдіктелді.
Сонымен қатар, бұған дейін сауда министрлігі компанияның өткен жылдан бері импорттық және экспорттық қызметті жүзеге асырмайтынын және тарату процесінде екенін хабарлаған болатын.