Атырауда У-75 (тергеу изоляторы) бастығы парақорлық үшін ұсталды.
ORDA деректері бойынша, Атырау облысы бойынша ҰҚКД тергеу-жедел тобының қызметкерлері шенеунікті моншада 500 мың теңге алған кезде ұстады. Бұл сотталғандардың бірін тергеу изоляторында қалдыру уәдесі үшін берілген сыйақы болғаны хабарланады.
Белгілі болғандай, ұсталған адам басшы лауазымына екі ай бұрын тағайындалған. Оған дейін міндетін атқарушы болып, тағайындау туралы бұйрықты күтіп жүрген.
Сонымен қатар, бұрын Оралдағы колонияның бастығы болып жұмыс істегені атап өтіледі.
Еске салайық, мамыр айында Алматы облысында №57 колония бастығының орынбасары Нұрлан Бидайбеков ұсталған болатын. Ол пара алуға күдікті.
Одан сәл бұрын БАҚ хабарлағандай, Бидайбековты ҰҚК департаменті мен прокуратура қызметкерлері ұстаған. Бұл ретте, оны сотталғандардан бопсалады деп күдіктенетіні айтылған.
Басқа бір жағдайда, Алматы облысы прокуратурасы өңірдегі түзеу мекемелерінде өрескел бұзушылықтарды анықтады. Сотталғандардың ұялы телефондарды онлайн сатып алу, несие рәсімдеу және букмекерлік кеңселер мен онлайн-казино арқылы құмар ойындарға қатысу үшін пайдаланғаны, жалпы ақша айналымы 3 млрд теңгеден асқаны хабарланды.