Астанада "Астана Банкі" АҚ қызметкерлері мен топ-менеджері Олжас Тоқтаровқа үкім шығарылды. Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Биғайдаров хабарлады.
Informburo.kz деректері бойынша, олар агенттік қызмет көрсету сыртында жымқыру және банкроттық алдындағы кезеңде Алматыдағы бизнес-орталықтарды заңсыз иеліктен шығару кінәсінен айыпталды.
Нәтижесінде сот Тоқтаровты кінәлі деп танып, сыртынан 10 жыл бас бостандығынан айыру жазасына кесіп, жалпы сомасы 14 млрд теңгеден асатын тұрғын үйлер, әкімшілік, өндірістік нысандар, ғимараттар, жер учаскелері, бағалы қағаздар және криптовалюта түріндегі мүлкін тәркіледі.
Сонымен қатар оның филиалдың бұрынғы басшылары қатарындағы бағыныштылары да кінәлі деп танылды.
«Олардың қылмыстық қудалау органымен және сотпен ынтымақтастығы, кінәсін мойындауы және құқыққа қарсы әрекеттерді ашуға жәрдемдесуі ескеріліп, сот оларға бас бостандығынан айырумен байланысты емес жаза тағайындады», – деп түйіндеді Биғайдаров.