Балабақша меңгерушілері мен ЖШС директоры 35 млн теңге жымқырғаны үшін сотталғандар бірінші сатыдағы сот шешіміне апелляциялық шағым берді. Сот алқасы олардың кейбіреуіне қатысты үкімді жеңілдетті.
Еске сала кетейік, мамыр айында белгілі болғандай, астаналық балабақша меңгерушілері сатып алынбаған азық-түлік өнімдеріне өтінім беріп, сонымен қатар жалған құжаттарды ресімдеген. Осы жолмен жымқырылған ақшаны кейін олар ЖШС директорының шотына аударған.
Нәтижесінде бірінші сатыдағы сот меңгерушілерге 3 жыл бас бостандығынан айыру жазасын тағайындады. ЖШС директоры 4 жыл бас бостандығынан айыруға сотталды.
Үкіммен келіспей, сотталғандар мен олардың адвокаттары оған апелляциялық тәртіппен шағым жасап, жаза ретінде бас бостандығын шектеуді сұрады.
Апелляциялық саты меңгерушілерге қатысты нақты жаза мерзімін бас бостандығын шектеуге ауыстыруға келісті, олардың бірқатар жеңілдететін мән-жайларын ескере отырып (кәмелетке толмаған балаларының болуы, соттылығының жоқтығы, оң мінездемесі, мойындау көрсетпелері және залалды толық ерікті түрде өтеуі және т.б.)
Ал ЖШС директорына қатысты үкім өзгеріссіз қалдырылды, себебі ол барлық меңгерушілермен бірге бірнеше қылмыс жасаған. Сонымен қатар, бұрын ЖШС директоры ұқсас құқық бұзушылықтар үшін сотталған болатын. Сот оның жазасын жеңілдетуге негіз таппады. Сот актілері заңды күшіне енгені атап өтіледі.