Алматы мәслихаты қалалық Тексеру комиссиясын қаржыландыру сомасын 129,6 млн теңгеге азайтты.
«Алматының ревизиялық комиссиясының қызметінде анықталған бұзушылықтар бойынша бірқатар шара қабылданды. Оның жұмысындағы кемшіліктерді биылғы жылдың мамыр айында Жоғары аудит палатасы айтқан болатын. Атап айтқанда, 13 маусымдағы Алматы мәслихатының шешімімен оны қаржыландыру сомасын 129,6 млн теңгеге азайту бөлігіне өзгерістер енгізілді», - деп хабарлады Жоғары аудит палатасының (ЖАП) баспасөз қызметі.
Сонымен қатар ревкомиссия төрағасы аудит материалдарын мемлекеттік емес ақпараттық жүйеде орналастыруды тоқтатуды бұйырды. Бұл ведомстволық деректердің жария болуына және оларға қолжетімділікті жоғалту қаупін туғызғаны хабарланды.
Бұған дейін ЖАП Алматы ревкомиссиясының қызметінде бірқатар бұзушылықтарды тіркеген болатын. Сонда нақты орындалмаған қызметтерге бюджет қаражатын бөлу жағдайлары анықталды.
«2022-2023 жылдары аудит ұйымдарын тартудың нақты қажеттілігі болмауына байланысты 150,4 млн теңге негізгі шығыс баптары сыйлықақы төлеуге тиесілі басқа бағыттарға қайта бөлінді», - делінген хабарламада.
Тексеру комиссиялары өз қызметін мемлекеттік аудиттің басқа органдарына тәуелсіз жүзеге асыратыны атап өтіледі. Олар жергілікті бюджеттен қаржыландырылады, сондықтан тиісті облыстың немесе қаланың мәслихатына есеп береді.