Алматыда Қаржы мониторингі агенттігі (ҚМА) АҚШ-тың жалған долларларын сатумен айналысқан адамдар тобын анықтады.
Ведомство баспасөз қызметінің мәліметінше, қылмысқа қатысушылардың бірінің тұрғылықты жеріндегі тінту кезінде149 дана 100 долларлық жалған купюралар табылды ($14 900). Күдіктілер ұсталып, қамауға алынды.
Батыс Қазақстан облысында ведомство бір топ адамды Оралдағы лотерея клубтарының бірінде жалған $25 000 және €10 000 сатты деп күдіктенеді. Күдіктілер бұл ақшаға ставка жасау үшін шоттарын толтырған.
Жалған ақша сатушыға қатысты сот санкциясымен қамауда ұстау түріндегі бұлтартпау шарасы таңдалды.
Белгілі болғандай, жыл басынан бері Қазақстан аумағында айналымнан 1 060 жалған банкнот алынып тасталды, оның ішінде ұлттық валютада 141 дана 647 000 теңгеге, 905 купюра $90 400-ге, 4 купюра $2 000-ға, 10 купюра ¥1 000 сомасына. Алынған жалған банкноттардың жалпы сомасы 43 млн теңгеден асты.
Жалпы, биыл жалған купюраларды жасағаны және сатқаны үшін 8 адам сотталды. Оларға 5 жылдан 6 жылға дейін бас бостандығынан айыру жазасы тағайындалды.
Еске салайық, өткен жылдың шілдесінде Алматыда ұсталған адамдар тобы криптовалюта сатып алуды сылтауратып, жалпы сомасы $20 300 болатын жалған 100 долларлық купюраларды сатпақ болған.
Сонымен қатар Қостанайда Қостанай облысы мен Астана қаласында жалған АҚШ долларларын сақтап, сатқан 5 адам сотталды.
Биылғы жылдың наурыз айында Шымкент ҚМА ұстаған адамдар тобы сомасы $84 200 жалған купюраларды сатуға әрекеттенген.