Департамент Қаржылық мониторинг агенттігінің (ҚМА) Шымкент қаласы бойынша бір топ адамды 84 200 АҚШ доллары сомасындағы жалған купюраларды өткізбек болған кезде ұстады.
Ведомствоның баспасөз қызметінің хабарлауынша, сот санкциясымен күдіктілерге қатысты 2 ай мерзімге «қамауда ұстау» түріндегі бұлтартпау шарасы қолданылды.
ҚМА бұған дейін Қырғызстан ҰКМК Қырғызстан мен Қазақстан аумағында номиналы 100 АҚШ доллары болатын жалған банкноттарды өткізген трансұлттық ұйымдасқан қылмыстық топтың әрекетін тоқтатқанын атап өтті.
«Сонымен қатар, Қырғыз Республикасы ҰКМК жалған долларларды өткізуге күдікпен Қазақстан Республикасының азаматын ұстады, ол өз кезегінде Шымкент қаласы бойынша экономикалық тергеу департаменті тергеп жатқан қылмыстық істің мән-жайына қатысты», - деп хабарлайды ҚМА.
Осы топқа қатысы бар адамдарды анықтау бойынша жедел іс-шаралар жалғасып жатқаны хабарланады.
Еске сала кетейік, бұған дейін ҚМА Маңғыстау облысы бойынша номиналы 50 АҚШ доллары болатын жалған ақша купюраларын өткізумен айналысқан азаматты ұстаған болатын. Бақылау сатып алудан кейін ер адамнан жалпы сомасы 3850 АҚШ доллары жалған ақша алынды.
Сондай-ақ, Алматы қаласында криптовалюта сатып алу сылтауымен жалпы сомасы 20 300 АҚШ доллары болатын жалған 100 долларлық купюраларды өткізбек болған бір топ адам ұсталғаны хабарланған еді.