Ауыл шаруашылығы министрлігі мал шаруашылығындағы статистиканы жаңарту жұмысы аяқталғанын хабарлады.
Ведомствоның баспасөз қызметінің мәліметінше, ауыл шаруашылығын дамытудың проблемалық мәселелерінің бірі жергілікті әкімдер жүргізетін есепке алу негізінде жиналған статистикалық деректердің бұрмалануы болып табылады.
«Дұрыс емес бастапқы деректер нарықтағы өнімнің жетіспеушілігі, артық өндіріс, мемлекет тарапынан қолдаудың жеткіліксіздігі және басқа да теріс салдарлар сияқты күрделі проблемаларға әкелуі мүмкін», - делінген хабарламада.
2024 жылғы 1 қаңтардағы жағдай бойынша, мәліметтерді түзету және неғұрлым дұрыс деректерді анықтау салдарынан ірі қара мал басының саны 2 млн басқа, сүт өндірісі 3 млн тоннаға, қой саны – 14%-ға, ешкі саны – 20%-ға, шошқа саны – 34%-ға, үй құстарының саны – 22%-ға, ет өндірісі – 15%-ға, тауық жұмыртқасы – 10%-ға қысқарғаны хабарланды.
Өсімдік шаруашылығында да осындай жұмыс жүргізілуде, бұл саладағы статистиканы жаңартуды 2024 жылдың тамызына дейін аяқтау жоспарлануда.