Ауыл шаруашылығы министрлігі мен экология министрлігі дала антилопасы келтірген залалды есептеу деген желеумен елде рұқсат етілген ақбөкендерді атуға жауапкершіліктен жалтаруға тырысуда.
ORDA мәліметінше, жануарларды ішінара жоюға ақбөкендер фермерлерге зиян келтіреді деген сылтаумен рұқсат етілген. Алайда шенеуніктер бұл залалды әлі де бағалай алмай отыр.
30 мамырда ауыл шаруашылығы вице-министрі Аманғали Бердалин ведомствода дала антилопасынан келтірілген залалды есептеу тетігі жоқ екенін мәлімдегені айтылады.
Өз кезегінде 5 маусымда экология және табиғи ресурстар министрі Ерлан Нысанбаев залалды фермерлердің өздері есептеуі керек деп мәлімдеді.
«Біз олардан санауды сұрамауымыз керек, олар мұны өздері істеуі тиіс... Залалды фермерлердің өздері белгілеуі керек, содан кейін ЖАО және АШМ әрекет етеді. Біз ақбөкендерді қорғаумен айналысамыз», — деді Нысанбаев Мәжіліс кулуарында.
Еске салайық, бұған дейін ФБРҚ редакциясы ақбөкендердің «санын реттеу» науқанының толық хронологиясын жинаған болатын. Толығырақ мына жерде және мына жерде.