Таразда облыстық «Жамбыл облысы ТЖД жазатайым оқиғалар медицинасы орталығы» филиалы басшысының міндетін уақытша атқарушысы сотталды.
«Ағымдағы жылғы 10 қыркүйекте Тараз қалалық сотының №2 үкімімен «Жамбыл облысы ТЖД жазатайым оқиғалар медицинасы орталығы» филиалы басшысының м.у.а. Махашева А.О. және осы филиалдың кадрлар жөніндегі инспекторы Калмуратова Л.Т. қатысты үкім шығарылды», - деп хабарлады Антикордың баспасөз қызметі.
Олар фельдшер ретінде жұмысқа орналастыру үшін жеке тұлғадан елеулі мөлшерде пара алғаны үшін кінәлі деп танылды.
Сот оларға мемлекеттік қызметте және квазимемлекеттік секторда өмір бойы лауазымдарды атқару құқығынан айыра отырып, тиісінше 4 және 3,6 жыл бас бостандығынан айыру жазасын тағайындады. Сот үкімі заңды күшіне енген жоқ.
«Қылмыстық кодекстің 74-бабы 1-бөлігінің негізінде кәмелетке толмаған балаларының болуына байланысты жазаны өтеу мерзімі 4 жылға кейінге шегерілді», - деп қорытындылады сотта.
Еске салайық, тамыз айының басында төтенше жағдайлар жөніндегі бұрынғы бірінші вице-министр Ибрагим Кульшимбаев өкілеттігін асыра пайдаланғаны үшін 5 жылға сотталды. Тергеу деректері бойынша, Кульшимбаев бағыныштыларды өз үйін салуға мәжбүрлеген.
Шілдеде сыбайлас жемқорлық үшін Павлодар облысы ТЖД өнеркәсіптік қауіпсіздік комитеті департаментінің бөлім басшысы Темірханов К. 3 жыл бас бостандығынан айыру жазасына сотталды. Ол кәсіпорын басшысынан 1,3 млн теңге көлемінде пара алғаны үшін айыпталды.
Мамыр айында Антикор ҚР ТЖМ өртке қарсы қызметінің төрағасына, сондай-ақ Шымкент және Жетісу облысы ТЖД бастықтарына қатысты тергеуді аяқтады. Шенеуніктер кәсіпкерден 40 млн теңгеден астам сомада пара алды деген күдікке ілінді. Күдіктілерге қатысты тергеу соты бұлтартпау шарасы ретінде қамауда ұстауға санкция берді.
Айтпақшы, 2023 жылғы тамызда Төтенше жағдайлар министрлігінің басшылығымен өткен кеңес барысында Антикор төрағасы Асхат Жұмағали ТЖМ бөлімшелерінің әрбір екінші басшысы сыбайлас жемқорлық құқық бұзушылық жасайтынын мәлімдеді.