Астана қаласының мамандандырылған ауданаралық экономикалық сотына құрылтайшысы 1,7 млрд теңге жымқырды деп күдіктелген Перизат Қайрат болып табылатын «BizBirgemiz Qazaqstan» қайырымдылық қорын мәжбүрлеп тарату туралы талап-арыз берілді.
«2021 жылғы 11 қазанда Астана қаласының әділет департаменті «Biz Birgemiz Qazaqstan 2030» қоғамдық бірлестігін тіркеді, оның жетекшісі Қайрат Перизат болды. 14 ақпанда Астана қаласының МАЭС-на (мамандандырылған ауданаралық экономикалық сот) жоғарыда аталған бірлестіктің мемлекеттік тіркелуін жарамсыз деп тану және мәжбүрлеп тарату туралы талап-арыз берілді», - деп хабарлайды БАҚ әділет министрлігіне сілтеме жасап.
Сотқа талап-арыз беруге Қаржылық мониторинг агенттігінің (ҚМА) «Biz Birgemiz Qazaqstan 2030» қоғамдық бірлестігін құру кезінде жіберілген бұзушылықтарға байланысты оның тіркелуін жою рәсімін бастау туралы хаты негіз болды.
Еске салайық, өткен жылдың қараша айында белгілі болғандай, ҚМА еріктілер қозғалысының белсендісі және «BizBirgemiz Qazaqstan» қоғамдық қайырымдылық қорының құрылтайшысы Перизат Қайратқа қатысты тергеу жүргізуде. Оны 1,7 млрд теңге жымқырды деп күдіктенетіні хабарланды.
Желтоқсан айында сот күдіктінің элиталық жылжымайтын мүлкін, көліктерін, техникасын, киім-кешектерін, аяқ киімдерін, зергерлік бұйымдарын, сондай-ақ әлемдік брендтердің сөмкелерін тәркіледі.
Ағымдағы жылдың ақпан айында ҚМА төрағасының орынбасары Жеңіс Елемесов Перизат Қайраттың ісі бойынша 100 том жиналғанын хабарлады. Сонымен қатар, оның анасы - Гайни Алашбаева алаяқтыққа және қылмыстық жолмен алынған ақшаны заңдастыруға қатысты деп күдіктелетіні атап өтілді. Алашбаеваға қатысты қылмыстық іс қозғалды.
Кейінірек Перизат Қайратқа қатысты жаңа сотқа дейінгі тергеудің мәліметтері белгілі болды. Келесі эпизод мүгедек балаларға арналған оңалту орталығын салу үшін ақша жинау кезіндегі алаяқтықпен байланысты екені хабарланды.