Шымкентте 27 шілдеде Еңбекші ауданында орналасқан «Ордабасы» индустриялық аймағының аумағында күкірт өртенді. Өрттің алдын ала ауданы 1200 ш.м. құрады.
ТЖМ мәліметінше, өртті сөндіру күкірттің тотығу химиялық реакциясына байланысты қиындады. Күйік және түтінмен улану салдарынан 10 адам зардап шекті, екеуі дәрігерлердің бақылауында.
«364 адам, оның ішінде 200 бала эвакуацияланды. Ыстық тамақ ұйымдастырылды. 258 адам, оның ішінде 141 бала туыстарына тарады. Оқиға орнында жедел штаб ұйымдастырылып, КШМ орнатылды. ТЖМ, ЖАО, ҚКПБ, СЭС-тің шамамен 120 адам жеке құрамы мен 40-тан астам техникасы және ҚТЖ-ның 1 өрт сөндіру пойызы жұмылдырылды», - деп хабарлады ведомствода.
Келесі күні өрт толығымен жойылды. Уәкілетті органдар өрттің себебін анықтауға уәде берді.
БАҚ ақпараты бойынша, күкірт Шымкент мұнай өңдеу зауытынан түскен және Тараздағы минералды тыңайтқыштар зауыты «Қазфосфат» ЖШС-не тасымалдауға арналған.
Өз кезегінде 24.kz өрт кезінде қала атмосферасында күкірт диоксидінің концентрациясы рұқсат етілген нормадан 40 есе асқанын хабарлайды.
Белгілі болғандай, өнеркәсіптік өрт фактісі бойынша құқық қорғау органдары қылмыстық іс қозғады.