Шымкент сыбайлас жемқорлыққа қарсы іс-қимыл департаментінің бұрынғы бастығының орынбасары Дәуренбек Қожабаев аса ірі мөлшерде пара бергені үшін сотталды.
«Halyqstan» Telegram-арнасының мәліметінше, №130 мектептің бұрынғы директоры Ұлсия Қоштанова оған қылмыстық іс қозғамағаны үшін 42 млн теңге берген.
Қоштанова қайтыс болғаны, ал Қожабаевқа арызды оның әпкесі Зубайра жазғаны атап өтіледі. Бастапқыда күдікті тергеуден жасырынып, халықаралық іздеу жарияланған.
Осы уақыт аралығында пара беруге делдал болған адам сотталды - департаменттің бұрынғы бухгалтері Раушан Құлымбаева 1 жыл 6 ай бас бостандығынан айыруға кесілді. Кейін Дәуренбек Қожабаевтың өзі ұсталды.
Оның ісін тергеумен Сыбайлас жемқорлыққа қарсы іс-қимыл агенттігі мен ҰҚК тергеушілері кірген тергеу тобы айналысты.
Сотталушы өз кінәсін мойындамай, соттың назарын істегі көптеген сәйкессіздіктерге аударуға тырысты. Ол істің толығымен жалған екенін мәлімдеді.
Соңында сот Қожабаевты кінәлі деп тауып, орташа қауіпсіздік мекемесінде 11 жыл бас бостандығынан айыруға соттады. Сонымен қатар ол мемлекет кірісіне 41 млн теңге төлеуге міндеттелді. Үкім заңды күшіне енбегені және шағымдануға болатыны атап өтіледі.
Еске сала кетейік, Шымкент сыбайлас жемқорлыққа қарсы іс-қимыл департаментінің бұрынғы бастығының орынбасары Дәуренбек Қожабаев өткен жылдың желтоқсанында ұсталған болатын. Оның Сыбайлас жемқорлыққа қарсы іс-қимыл агенттігі төрағасының бұрынғы орынбасары Максат Қожабаевтың інісі екені айтылған. Оның тағы бір інісі Мұхтар Қожабаев 2023 жылдың мамырына дейін Қызылорда облысы полиция департаментін басқарған.