Оралда полиция қызметкерлері өздерін құқық қорғау органдарының қызметкерлері ретінде таныстырған бір топ адамды ұстады. Олар күш қолдана отырып, оқу орнының бір студентінен 500 мың теңге бопсалаған.
Polisia.kz мәліметінше, тағы бір жағдайда жедел қызметкерлер Шымкенттің екі тұрғынын ұстады, олар жергілікті тұрғынның атына қатысты ақпаратты таратумен қорқытып, 1 млн теңге бопсалаған.
Сонымен қатар Ақтөбеде қылмыстық топтың мүшесі бір миллион теңге мен Subaru автокөлігін тапсыру кезінде ұсталды.
Қылмыскер үш сыбайласымен бірге жәбірленушіге моральдық және физикалық қысым көрсетіп, 8 млн теңге бопсалағаны хабарланды.
Еске салайық, шілде айында 1 млн теңге бопсалағаны үшін Атырау облысының тұрғыны ұсталды. Ер адам әлеуметтік желілерде жеке сипаттағы бейнематериалды таратумен қорқытып, ақша бопсалағаны хабарланған.
Сәуір айында Шымкентте өздерін полиция қызметкерлері ретінде таныстырып, қала тұрғындарына қатысты күш қолданып, ірі көлемдегі ақшаны иеленген қылмыскерлер ұсталды.