«Самрук-Қазына» ұлттық әл-ауқат қоры» АҚ биылғы жылы мемлекеттік қазынаға бағыттаған қаражат туралы есеп берді.
Инвестициялық холдингтің баспасөз қызметінің мәліметінше, 2024 жылы Қор үкіметке 1,3 трлн теңге бағыттаған. Оның ішінде:
- 579 млрд теңге республикалық бюджетке дивидендтер түрінде;
- 228 млрд теңге үкімет тапсырмалары аясында әлеуметтік жобаларды қаржыландыруға. Қаражат медициналық орталықтарды, халықтың әлеуметтік осал топтарына арналған тұрғын үйлерді және өзге де әлеуметтік жобаларды салуға бағытталды;
- 105 млрд теңге экономикалық өсуді қамтамасыз ету жөніндегі іс-шаралар жоспарын іске асыру аясында елді мекендерді газдандыруға;
- 272 млрд теңге экономикалық өсуді қамтамасыз ету жөніндегі іс-шаралар жоспарын іске асыру аясында жалдамалы тұрғын үй салу бағдарламасын қаржыландыруға;
- 10 млрд теңге қайырымдылыққа (жыл сайын қайырымдылыққа бөлінетін сома);
- 22 млрд теңге су тасқынынан зардап шеккен өңірлерге көмекке;
- 50 млрд теңге «Қазақстан Халқына» ҚҚ-на аудару жоспарлануда.
Үкімет шешімі аясында 2023 жылға қосымша дивидендтер төлеу көзделмегені атап өтіледі.
Сонымен қатар, бүгін «Самрук-Қазына» АҚ 53,5 трлн теңгеден асатын сомаға 130 инвестициялық жобаны іске асырып жатқаны белгілі болды.
Еске сала кетейік, бұған дейін ФБРК редакциясы инвестициялық холдингке кіретін ұлттық компаниялардың топ-менеджерлерін сыйақыландыру мөлшері, атап айтқанда «ҚазМұнайГаз» ҰК» АҚ, «Қазатомөнеркәсіп» ҰАК» АҚ, «QazaqGaz» ҰК» АҚ, «Қазақтелеком» АҚ, «KEGOC» АҚ, «Самрук-Энерго» АҚ, «Қазпошта» АҚ, «Қазақстан темір жолы» АҚ, «Samruk-Kazyna Construction» АҚ және «Air Astana» АҚ туралы жазған болатын.
Қазақстанның ұлттық компаниялары атқарушы органдары мүшелерінің жалпы сыйақы мөлшері туралы материалдар сериясымен осында танысуға болады.