Көкшетауда 78 млн теңге сомасындағы мемлекеттік қаражаттың заңсыз жұмсалуына жол берілмеді.
Баспасөз қызметінің мәліметінше, Ақмола облысы прокуратурасының дерегі бойынша, жергілікті мектеп бюджет қаражаты есебінен шатырды жөндеуді жүргізуді жоспарлаған.
Ғимарат кепілдік қызмет көрсетуде екені атап өтіледі, себебі ол небәрі бір жарым жыл бұрын пайдалануға берілген. Осыған байланысты барлық жөндеу жұмыстары мердігердің есебінен жүргізілуі тиіс.
Нәтижесінде прокуратура қадағалау актісін енгізді, ол бойынша мемлекеттік сатып алу жойылды, ал кінәлі адамдар жауапкершілікке тартылды. Үнемделген бюджет қаражаты басқа әлеуметтік бағдарламаларды іске асыруға жұмсалды.
Еске сала кетейік, бұған дейін хабарланғандай, 2024 жылғы қаңтардан сәуірге дейін Антикор 12,4 млрд теңгеге бюджет қаражатының тиімсіз жұмсалуына жол бермеді. Көбінесе жанар-жағармай материалдарының (23%), кеңсе тауарларының (19%), азық-түлік өнімдерінің (6%) және үй-жайларды жалдау құнының (6%) асыра бағаланғаны анықталғаны айтылды.