(5 ақпан 2026 | Дереккөз: Павлодар облысы прокуратурасының баспасөз қызметі)
Павлодар облысының прокуратурасы қандастарды қоныстандыру бағдарламасы бойынша әлеуметтік төлемдерді заңсыз алу фактісі бойынша сотқа дейінгі тергеп-тексеру шеңберінде мүлікті тәркілеу туралы сотқа дейінгі іс жүргізуді бастады.
ТЕКСЕРУГЕ НЕ НЕГІЗ БОЛДЫ
Қадағалау органының мәліметінше, қандастарды қоныстандыру бағдарламасын іске асыру кезінде бюджет қаражатын жымқыру туралы қылмыстық іс бойынша мүлікті тәркілеу туралекі сотқа дейінгі іс жүргізу басталған.
Тергеу Ауғанстан азаматының қазақ ұлтына жататындығы туралы әдейі жалған мәліметтер мен құжаттар ұсынып, әлеуметтік төлемдер алғанын анықтады.
ҚАНДАЙ МҮЛІК ТӘРКІЛЕНДІ
Прокуратурада хабарлағандай, алынған төлемдерге 20 млн теңге тұратын пәтер сатып алынған.
Кірістерді заңдастырудың ықтимал мүмкіндігін болдырмау үшін сот прокуратураның өтінішхаты бойынша жылжымайтын мүлікті мемлекет кірісіне тәркілеу туралы шешім қабылдады.
Сот актісі қазіргі уақытта заңды күшіне енген жоқ.
ТЕРГЕУ ҚАНДАЙ САТЫДА
Алаяқтық фактісі бойынша сотқа дейінгі тергеп-тексеру қылмыстық қудалау органының іс жүргізуінде. Өзге де процессуалдық шешімдер мен ықтимал фигуранттар хабарламада нақтыланбайды.