Павлодар облысының Успен аудандық сотында "Күшті өңірлер – елдің даму драйвері" мемлекеттік бағдарламасы аясында бөлінген бюджет қаражатын жымқыру туралы қылмыстық іс қаралды.
Өңір прокуратурасы баспасөз қызметінің мәліметінше, алаяқтық фактісі бойынша сотқа дейінгі тергеу "Павлодар облысы бойынша Еңбек ұтқырлығы орталығы" ММ қызметін тексеруден кейін басталған.
Тергеу барысында "Успен ауданының Мансап орталығы" филиалының мамандары ерікті көшіру бағдарламасына қатысушыларды жаңылыстырғаны анықталды.
Белгілі болғандай, көшіп келушілерге сатып алынатын тұрғын үй құнының жартысы мөлшерінде төлем қарастырылған, бұл ретте төлемнің ең жоғарғы шегі 4 млн теңгені құраған.
Өз кезегінде сотталушылар жәбірленушілерге арзан бағамен үй табу және сатып алу-сату шартында қымбат бағаны — 8 млн теңгені көрсету туралы әдейі жалған нұсқаулар берген. Баға айырмасын көшіп келушілер іске қатысты тұлғаларға бағдарлама шарттары аясында ніби берген.
«Осылайша, алаяқтық әрекеттер арқылы бюджет қаражатын қолма-қол ақшаға айналдыру және иемдену бойынша жасанды схема жасалды», - делінген хабарламада.
Мемлекетке келтірілген жалпы залал сомасы 144 млн теңгені құрады.
Сот айыпталушыларды кінәлі деп танып, олардың біреуіне 5 жыл бас бостандығынан айыру, екіншісіне – 3 жыл бас бостандығын шектеу жазасын тағайындады.