МЧС табиғи өрттермен күресу үшін жаңа технологиялар мен стратегияларды енгізуді жоспарлап отыр.
Үкімет баспасөз қызметінің мәліметінше, ТЖ министрі Шыңғыс Әрінов өз баяндамасында министрлік өрттерге жедел әрекет етуді толығымен қайта қарап, негізгі назарды алдын алу және ошақтарды ерте анықтауға аударғанын хабарлады.
«Өрт жағдайын тәулік бойы бақылау үшін «Ертіс Орманы», «Бурабай», «Семей Орманы», «Медео» орман шаруашылықтарының, сондай-ақ Қостанай облысының бейнебақылау жүйелері министрліктің Ситуациялық орталығына қосылды. Сонымен қатар «Орман» және «Табиғат» жүйелері интеграцияланды. Бір мезгілде найзағай белсенділігі мен термиялық нүктелер бойынша деректер талданып, кейін өрттерге әрекет етіледі», – деп атап өтті Әрінов.
Сонымен қатар, өңірлерде әуевизуалды барлау үшін ұшқышсыз ұшу аппараттары белсенді қолданылып жатқаны хабарланады.
«Бұл шаралар өрттерді ерте анықтауға және уақтылы әрекет етуге бағытталған, бұл өрттермен күресудің тиімділігін айтарлықтай арттыруға мүмкіндік береді», - деп қорытындылады министр.
Еске сала кетейік, бұған дейін экология және табиғи ресурстар министрлігінің тексеруінен кейін белгілі болғандай, Павлодар, Ақмола, Қостанай облыстары, сондай-ақ «Семей орманы» резерваты ықтимал өрттерге дайын емес.
Кейінірек хабарланғандай, «Семей орманы» аумағында 4,1 млрд теңгеге өрттер туралы ерте хабарлау жүйесі орнатылмайды. Мұндай шешімді өрт қауіпті маусымға арналған кеңесте экоминистрлік қабылдады.