Бұл түзетулерді 2025 жылғы 1 қаңтардан бастап енгізу жоспарлануда. Жоғары аудиторлық палатаның баспасөз қызметінің мәліметінше, бұған дейін Павлодар облысында жүргізілген аудит барысында сарапшылар нақты орындалмаған құрылыс жұмыстарын төлеуге қабылдау фактілерін анықтаған, бұл сома 731 млн теңгеден асқан.
Сонымен қатар, Павлодар құрылыс бөлімі мердігер ұйымның «жұмысын» бұрын төленген актілер негізінде төлеген.
«Осыған байланысты қаржы министрлігіне қазынашылық сүйемелдеу бюджеттік инвестициялық жобалар бойынша құрылыс шарттарының көбірек санын қамтуы үшін қажетті өзгерістер енгізу тапсырылды», - делінген хабарламада.
25 қыркүйекте бюджеттің атқарылуы және оны кассалық қамтамасыз ету қағидаларына түзетулер енгізілді, оған сәйкес қазынашылық сүйемелдеу сметалық құны 1 млрд теңгеден басталатын шарттарға қолданылатын болады. Бұған дейін бұл көрсеткіш 2 млрд теңгені құраған.