В AERC қолданбалы экономика зерттеулер орталығы 2024 жылы Қазақстандағы мемлекеттік бюджет тапшылығы алдыңғы көрсеткіштермен салыстырғанда артады деп мәлімдеді.
«Қазинформ» ХАА деректері бойынша, зерттеушілер биыл Қазақстанның мемлекеттік бюджет тапшылығы 6,69 трлн теңгені құрайды деп есептейді.
Сонымен қатар сәуірдегі болжамда сарапшылар бұл сома 5,8 трлн теңгеге тең болады деп мәлімдеген еді.
«Көрсеткіштер Қазақстан экономикасы салаларының өсу қарқынының төмендеуімен байланысты корпоративтік табыс салығынан (КТС) түсімдердің қысқаруына байланысты нашарлады», - делінген хабарламада.
Сонымен бірге зерттеушілер жеке табыс салығынан (ЖТС) бюджетке түсетін қаражаттың азаюын күтеді. Белгілі болғандай, бұған қазақстандықтардың ақшалай кірістерінің өсуіне қатысты көңіл көншітпейтін болжамдар себеп болды.
«2024 жылға арналған мемлекеттік бюджет шығындары 29,7 трлн теңгеге тең болады деп болжануда. Шығындар болжамы сәуірдегі шолудан сақталды», — деді сарапшылар.
Қазақстанның ЖІӨ-не қатысты мемлекеттік бюджет тапшылығы - 5,1% құрағаны атап өтіледі.
Айтпақшы, жоғары бюджет тапшылығы Еуропалық Одақ (ЕО) елдерінде де анықталды. Осыған байланысты ЕО кеңесі Бельгия, Франция, Италия, Венгрия, Мальта, Польша және Словакияға қатысты тергеу жүргізе бастады.