Мәжіліс депутаты Гүлдара Нұрымова еуропалық өндірістің инсулинінің орнына Қазақстан клиникалық сынақтан өтпеген қытайлық препаратты сатып алғанын хабарлады.
vlast.kz деректері бойынша, депутат Нұрымова еуропалық инсулинмен салыстырғанда қытайлық препараттың бағасында ерекше айырмашылық жоқ екенін атап өтті.
«Оны әлемде тек екі ел – Қазақстан және Латын Америкасы елі сатып алды. Оның тиімділігі әлі белгісіз, клиникалық сынақтан әлі өткен жоқ. Дәрігерлер мен науқастар наразы. Бұл біздің азаматтарымыздың денсаулығы туралы болып отыр. Неліктен еуропалық сапалы препаратты сатып алуға болмайды?» - деп Нұрымова таңғалысын білдірді.
Ол Қазақстанда 2014 жылы еуропалық өндірістің инсулині тіркелгенін айтты. Оның сөзінше, бұл бір жасар балаларға көрсетілген жалғыз препарат.
Өткен жылы ол тегін медициналық көмектің кепілді көлеміне енді, алайда қандай да бір себеппен пациенттер оны әлі күнге дейін ала алмай отыр. Сондай-ақ Гүлдара Нұрымова елде жаңа препараттарды тіркеу ұзақ уақыт алатынын атап өтті – 5 жылдан 7 жылға дейін.
Өз кезегінде денсаулық сақтау министрі Ақмарал Әлназарова қытайлық инсулин туралы хабардар екенін айтты. Ол денсаулық сақтау министрлігі оның қолданылуын бақылап отырғанын мәлімдеді.
«Жағымсыз әсерлер тіркелген жоқ. Бірінші партия өткен жылы сатып алынды. Бір жыл ішінде халық тарапынан ешқандай шағым түскен жоқ. Сонымен қатар балалар бұрын қолданған инсулинді пайдалануды жалғастыруда», - деп хабарлады ол.
Сонымен қатар, министр денсаулық сақтау министрлігі дәрілік заттарды тіркеу мерзімі мен тәртібі мәселесін шешу жолдарын қарастырып жатқанын айтты. Алайда кейінірек Әлназарова кулуарларда Қазақстанға тіркелмеген және клиникалық сынақтан өтпеген препараттар әкелінбейтінін мәлімдеді.
«Бұл инсулин жалпы бізде Дәрілік заттар сараптау ұлттық орталығында сапасына қарай тіркеуден өтті, сондықтан мұндай айтуға болмайды. Тағы бір мәселе, пациенттер жеткізушіге және жалпы зауыт-өндірушіге өте сенімсіз қарайды. Ал қалғанында, принцип бойынша, оның барлық қажетті құжаттары бар», - деді министр.
Сонымен бірге ол қазір «СК-Фармацияда» және «Дәрілік заттар сараптау ұлттық орталығында» қытайлық препараттың әкелінуін кім лоббилегенін анықтауға мүмкіндік беретін тексеру жүргізіліп жатқанын хабарлады.