Ақтөбе облысында Хромтау әкімі Сағындық Шабықбаевқа қатысты тергеу аяқталды. Іс материалдары Хромтау аудандық сотына жіберілді. «Диапазон» басылымының мәліметінше, алғашқы сот отырысы 11 желтоқсанға белгіленген.
Еске сала кетейік, қараша айында хабарланғандай, соңғы екі жыл қаланы басқарған 40 жастағы шенеунік пара алуға күдіктелді. Ұсталғаннан кейін Ақтөбе облыстық соты оны екі ай мерзімге қамауға алуға санкция берді.
Сонымен қатар, Шабықбаевтың 2018 жылғы тамыздан бастап Хромтау әкімінің орынбасары қызметін атқарғаны белгілі болды. Ол екі жыл бұрын Хромтау аудандық аумақтық сайлау комиссиясының шешімімен қала әкімі болып сайланды.