АҚШ Қаржы министрлігі 17 елден 275 адамды санкциялық тізімге енгізді.
Bes.media мәліметінше, тізімге қазақстандық «Kazstanex» компаниясы қосылды. Америкалық ведомствоның айтуынша, кәсіпорын өзбекстандық «Uzstanex» ЖШС-мен бірге Ресейге белгілі бір станоктарды жеткізу схемасына қатысыпты.
Қазақстандық фирманың Еуропадан тауарлар алғаны, содан кейін олар Қытай арқылы Ресейге жеткізуге бағытталғаны хабарланады.
Журналистер «Kazstanex»-тің басшысы Василий Абрамов екенін анықтады.
«Оның атына Kazstanex деген атаумен екі ЖК тіркелген. Компания заңды түрде Алматыда орналасқан. 2011 жылы құрылған. Компанияның тауарлардың кең ассортиментімен көтерме саудамен айналысатыны көрсетілген», - делінген хабарламада.
Сонымен қатар, 2017 және 2022 жылдары компания мемлекеттік сатып алудың адал емес қатысушысы деп танылғаны белгілі болды. Осыған байланысты соңғы рет оған 497 мың теңге айыппұл салынды.
Еске сала кетейік, ақпан айында Еуропалық Одақ Ресейге және Қазақстан, Өзбекстан, Қытай, Иран, Түркия және басқа елдердің компанияларына қатысты санкциялардың кезекті пакетін жариялады.
Тізімдерге қазақстандық «Elem Group» ЖШС де енген. Ол «ресейлік әскери-өнеркәсіп кешенін қолдауда» және «сауда шектеулерін айналып өтуге қатысуда» күдіктелді.
Жарияланымнан сәл бұрын сауда министрлігі компанияның өткен жылдан бері импорттық және экспорттық қызметті жүзеге асырмайтынын және тарату процесінде екенін хабарлады.
Шілдеде экс-президент Назарбаевқа тиесілі ресейлік қаржы мекемесі Азия-Тынық мұхит банкі (АТБ) АҚШ-тың санкциялық тізіміне енуі мүмкін екені хабарланды.
Тамыз айында АҚШ Қаржы министрлігінің санкциялық тізіміне Астанада тіркелген Catu Tech Ltd. компаниясы енді. АҚШ Мемлекеттік департаментінде кәсіпорынның бір жыл ішінде ресейлік контрагенттерге әскери өнеркәсіпте қолданылуы мүмкін чиптер мен басқа да компоненттері бар 30 жүктен астамын жібергені атап өтілді.