Қауіпсіздік қызметі және ревизия мен бақылау басқармасы «Қазпошта» АҚ 2023 жылдың қорытындысын шығарды.
«Бірқатар өңірлерде жалпы сомасы 396,7 млн теңге болатын қаржылық бұзушылықтар анықталды. Барлық фактілер бойынша тексерулер мен қызметтік тергеулер жүргізілді, материалдар құқық қорғау органдарына жіберілді», - деп хабарлады «Қазпошта» баспасөз қызметі.
Өткен жылы құқық қорғау органдарына берілген 26 материал бойынша 24 қылмыстық іс қозғалғаны хабарланады. Оның 4-еуі бойынша үкім шығарылды, сотталғандар 3 жылдан 7 жылға дейінгі бас бостандығынан айыру жазасын алды.
«1 қылмыстық іс өндірістен тоқтатылды, 5 қылмыстық іс ақталмайтын негіздер бойынша тоқтатылды, 12 – өндірісте, 2 қылмыстық іс ақтайтын негіздер бойынша тоқтатылды. Қылмыстардың жалпы саны 1,9 есеге азайды (2022 жылы 47-ден 2023 жылы 24-ке дейін)», - делінген хабарламада.
Еске салайық, бұған дейін Түркістан облысында үкім шығарылды «Қазпоштаның» Болат Керімқұлов атты 39 жастағы қызметкеріне. Ол Қазығұрт ауданындағы «Қазпошта» АҚ филиалында 69,8 млн теңге ұрлады деп айыпталды.
Сот Керімқұловты аса ірі мөлшерде ұрлық жасады деп тауып, оны 8 жылға бас бостандығынан айыру жазасына кесті. Сонымен бірге сот аудандық пошта филиалының бұрынғы бухгалтерия қызметкерлеріне қатысты тергеуді тоқтатудың заңдылығын тексеру туралы қаулы шығарды.