«Qazpost Digital» басқарушы директоры Әсем Нұрғалиева шетелдік маркетплейстерден сатып алынатын тауарларға «көзге көрінбейтін» кедендік ресімдеуді енгізу идеясын айтты. Компания басшысы бұл туралы Facebook-тегі парақшасында хабарлады.
«Қазір халықаралық маркетплейстерден (МП) тауар сатып алғанда, сіз МП сізді ешқандай сәйкестендірмейтінін ойламайсыз, бірақ кедендік тазарту кезінде барлық құжаттарды көрсетуге, жіберуге, төлеуге, күтуге тура келеді. Әрине, біздің міндетіміз – invisible customer clearance-ті барынша қолжетімді ету, бірақ өз талаптарымызды да орындау қажет болады», - делінген хабарламада.
Әсем Нұрғалиева ресімдеу процесі қалай жүретінін айтып берді:
- Маркетплейсте тапсырыс берген кезде ЖСН сұрату.
- Азаматтардың келісімі бойынша «Qazpost» кедендік тазарту үшін барлық деректерді тікелей КМК жүйелеріне береді.
- Сәлемдемелер арнайы бағдарламалар (API) арқылы алынады.