Кем дегенде, Қазақстанда суды ұстап қалуға арналған кемінде 537 гидротехникалық құрылыс (ГТҚ) жөндеуді қажет етеді.
«Министрлік жергілікті атқарушы органдармен бірлесіп, қолданыстағы гидротехникалық құрылыстарға түгендеу жүргізді. Бүгінгі таңда республика аумағында 1502 тіреуіш гидротехникалық құрылыс (су қоймасы - 405, бөгет - 247, плотина - 461, гидроторап - 118, тоған - 271) бар, оның ішінде республикалық меншікте – 331, коммуналдық меншікте – 934, жеке меншікте – 229, иесіз – 6», - деп хабарлады «Қазинформ» ХАА су ресурстары және ирригация министрлігіне сілтеме жасап.
Жөндеуді қажет ететін 537 ГТҚ-ның:
- коммуналдық меншікте – 428;
- республикалық меншікте – 52;
- жеке меншікте – 49;
- иесіз – 6.
Оларды бюджеттен қаржы бөлуге байланысты қайта жаңғыртатыны хабарланады.