Қазақстанда су тасқыны кезеңінің басынан бері 634 мұнай ұңғымасының жұмысы тоқтатылды. Мұнай өндірудегі шығын 16 мың тоннаны құрады.
bes.media мәліметінше, бүгінгі таңда 141 ұңғыманың жұмысы қалпына келтірілді, алайда 493 ұңғымада мұнай өндіру әлі де тоқтатылған.
Осылайша, Атырау облысында тек 4 мұнай ұңғымасы тоқтатылды («Ембімұнайгаз» АҚ – 3 ұңғыма, «5A Ойл» ЖШС – 1 ұңғыма). Қалған 489 ұңғыма Ақтөбе облысында («СНПС – Ақтөбемұнайгаз» АҚ – 440 ұңғыма, «КМК Мұнай» АҚ – 25 ұңғыма, «Ада Ойл Фирмасы» ЖШС – 24 ұңғыма).
Сонымен қатар, мұнай ұңғымаларын қалпына келтіру жұмыстары туралы хабарланады, оның ішінде:
- сорғы жабдықтары мен агрегаттармен суды сору, топырақ төсеу, ұңғымаларды электр қуатынан ажырату және герметизациялау;
- елді мекендерде жаңа су тасқынына қарсы бөгеттер салу және қолданыстағы бөгеттерді нығайту жұмыстарына көмек көрсету, бөгеттерді көтеру және жөндеу жұмыстары.