Жыл басынан бері мемлекеттік еңбек инспекторлары еліміздің 257 кәсіпорнында жалақы бойынша берешектерді анықтады. 3,7 мыңнан астам жұмысшы жалпы сомасы 1,4 млрд теңгеден астам жалақы алмаған.
Еңбек және халықты әлеуметтік қорғау министрлігі баспасөз қызметінің деректері бойынша, ұйымдардағы тексерулер барысында еңбек заңнамасының 4,7 мыңнан астам бұзушылығы анықталды. Кәсіпорын басшыларына міндетті түрде орындау үшін 2 602 нұсқама беріліп, жалпы сомасы 332 млн теңгеден астам айыппұл салынды.
Қабылданған шаралар, оның ішінде қарыздарды өтеу кестелері мен мерзімдерін белгілеу нәтижесінде 3 437 жұмысшының құқығын қорғау мүмкін болды — оларға 1,2 млрд теңге төленді.
Министрлікте еңбек заңнамасын сақтау мәселелері ерекше бақылауда екенін атап өтті. Жыл басынан бері ведомство қызметкерлері 4 013 тексеру жүргізіп, оның қорытындысы бойынша 4 706 бұзушылық анықталды: еңбек саласында 3 965, қауіпсіздік және еңбекті қорғау бойынша 721 және халықты жұмыспен қамту саласында 20.
Жалпы, ағымдағы жылы қабылданған шаралар 30 мың жұмысшының еңбек құқығын қорғауға мүмкіндік берді.
Естеріңізге сала кетейік, бұрын хабарланғандай, Павлодар облысында жылу энергиясын өндірумен, берумен және бөлумен айналысатын «Көмек» ГКК үш жылдан астам уақыт бойы салық міндеттемелерін орындамаған және 137 жұмысшыға әлеуметтік жарналар мен үстемеақыларды төлемеген. Берешек 66 млн теңгеден астамды құрады.