Цифрлық құралдарды су тасқыны жағдайын болжау үшін премьер-министр Олжас Бектеновке таныстырды.
«BlueScreen|Digital Kazakhstan» мәліметінше, Қазақстанның бірқатар өңірінде су тасқынын модельдеу және су қоймаларының толуын болжау жүйесінің прототипі қаралды.
«Прототипті әзірлеу аясында су ағынын модельдеу және есептеу үшін алгоритмдер жасалып, өзендердің бірнеше учаскелерінде пилоттық сынақтар жүргізілді. Цифрлық құрал реттелетін және реттелмейтін су ағынын есептеуге, сондай-ақ берілген су деңгейінде су басу аймақтарын картада көрсетуге мүмкіндік береді», - делінген хабарламада.
Сондай-ақ отандық тауар өндірушілерді қолдауға арналған цифрлық құралдар әзірленгені хабарланады. Жүйелер әрбір өндірістік кәсіпорынның жұмысын қадағалауға, сондай-ақ онлайн режимде мемлекеттік органдар тарапынан олардың мүдделерінің бұзылу фактілерін анықтауға мүмкіндік береді.
Өз кезегінде Олжас Бектенов жобаларды мақұлдап, оларды пилоттық режимде енгізуге тапсырма берді. Сонымен қатар ол су тасқынынан келтірілген залалды өтеуге өтінімдер қабылдау қызметін іске қосуды, сондай-ақ қолданыстағы бейнебақылау камераларын пайдалана отырып, су тасқынына қарсы іс-шаралардың орындалуын онлайн форматта бақылауды тапсырды.
«Мемлекет басшысы өз Жолдауында стратегиялық маңызды міндет – Қазақстанды IT-елге айналдыруды қойды. Дұрыс басқару шешімдері үшін сапалы жедел ақпаратқа ие болу және жаңа технологияларды пайдалану қажет. Ұсынылған тәсілдерді экономиканың басқа салалары бойынша ауқымдау керек. Барлық құралдар мен мәліметтер бар. Деректер алмасу мен жүйелерді интеграциялауды дұрыс құру қажет», — деп атап өтті Олжас Бектенов.
Цифрлық даму, инновациялар және аэроғарыш өнеркәсібі министрі Бағдат Мусинге премьер-министр деректерді уақтылы жаңартуды және цифрлық құралдарды елдің барлық тіршілік салаларына енгізуді қамтамасыз етуді тапсырды.
Еске салайық, кеше премьер-министр Олжас Бектенов су тасқынынан зардап шеккендерге өтемақыны осы аптаның соңына дейін төлеуді тапсырды.