Қаржы министрлігінің Алматы және Астана басқармаларының басшылары салық тексерулерін оң шешу үшін кәсіпкерден пара алды деген күдікке ілінді.
«Олар қызметтік ақпаратқа қол жеткізе отырып, кәсіпорынға 570 млн теңге көлемінде негізсіз салық салу, оны толық сомаға азайтуға жататыны туралы біле тұра, делдал арқылы осы фирманың өкіліне жүгініп, одан ақшалай сыйақы талап еткен», - деп хабарлады Антикор баспасөз қызметі.
Кейін шенеуніктер бұл мәселені шешу сылтауымен кәсіпкерден 68 млн теңге алған.
Сот санкциясымен күдіктілер электронды бақылау құралдарын қолдана отырып, «үй қамағына» алынды. Антикор ведомствоның басқа да лауазымды тұлғаларының қылмыстық құқық бұзушылыққа қатыстылығын тексереді.
Еске сала кетейік, қыркүйек айында 2023 жылы Қазақстанда 1692 сыбайлас жемқорлық қылмысы тіркелгені хабарланған болатын. Келтірілген залалдың орнын толтыру сомасы 285,1 млрд теңгені құрады.
Сонымен қатар, біз өткен жылы қандай ведомстволардың қызметкерлері сыбайлас жемқорлық үшін сотталғаны көрсетілген тізімді жарияладық. Айта кетейік, қаржы министрлігі үшінші орында тұр.