Пожар болған грек аралы Идрадағы «Персефони I» яхтасында алғашқы сағаттарда не болғаны белгілі болды.
ORDA басылымы iEidiseis басылымына сілтеме жасап хабарлағандай, аралдағы оқиғадан кейін жергілікті жедел қызметтер өрт қоюға күдікті қазақстандықтарға Грекиядан кетуге рұқсат берген.
Басылымның мәліметінше, біріншіден, жағалау күзеті қателік жіберген. Оның қызметкерлерінің бірінің айтуынша, ол «Персефони I» яхтасын ұстамау туралы бұйрық алған. Екіншіден, өрт қоюмен күрес жөніндегі жергілікті басқарма қызметкері кінәлі.
«Ол нақты кеменің жолаушыларымен байланысқанын, тіпті олардан өртке қатысы бар-жоғын сұрағанын айтты. Және олардың берген теріс жауабын қанағаттандырарлық деп тапты», - делінген хабарламада.
Басылымның мәліметінше, үшінші қателікті портқа келген яхтаның жолаушыларымен сөйлескен өрт қауіпсіздігі қызметкерлері жіберген.
«Көрсетпелерде, біріншіден, қазақстандықтардан тек ауызша жауап алынғаны расталады. Екіншіден, олардың "рейске кешігіп жатырмыз" деген "дәлелі" куәгер ретінде жауап бермей тұрып және ұялы телефондары тексерілмей тұрып кетуге рұқсат алуға жеткілікті болды», - делінген жарияланымда.
Сонымен қатар журналистер өртке қарсы қызмет қызметкерлерінің бірінің көрсетпесінің үзіндісін жариялады.
«Олар маған түтіннің күшті иісінен өртті байқаған кезде яхтаның салонында отырып, Еуропа чемпионатының футбол матчын көріп жатқандарын айтты. Сигналдық ракеткаларды қолдануды қамтитын қандай да бір ойын-сауық шарасы өткізілді ме деген сұраққа олар "жоқ" деп жауап берді. Сондай-ақ олар яхтаға отырғызған сәттен бастап өрт туралы білгенге дейін яхтадан жағалауға қарай көмекші қайықпен шықпағандарын хабарлады», - деді өрт сөндіруші.
Естеріңізге сала кетейік, грек аралы Идрадағы ірі өрт, алдын ала мәліметтер бойынша, люкстік яхтадан туристер атып шығарған фейерверктерден пайда болған.
Бұған дейін яхтада ауқатты қазақстандықтар болғаны, олар келесі күні жеке ұшақпен елден кеткені хабарланған болатын. Олардың арасында Қазақстанның белгілі кәсіпкерлерінің бірі Данияр Әбулғазин отбасымен болған делінеді. Сондай-ақ жолаушылар қатарында Halyk Bank басқарма төрағасы Ұмұт Шаяхметова, оның күйеуі - мұнай компаниясы KMG International NV компаниясының бұрынғы топ-менеджері Бейімбет Шаяхметов және олардың қызы көрсетілген.
Өз кезегінде Данияр Әбулғазин Грекиядағы аралдағы өртке қатысын жоққа шығарады.
Кейінірек грек прокуратурасы 8 ересек қазақстандық жолаушыға өрт қоюға қатысушылық деген айып таққаны белгілі болды. Жергілікті билік қазақстандық билік органдарына ресми түрде көмек сұрап жүгінген делінеді, себебі яхта жалға алушылар жауап алуды күтпей Грекиядан кеткен.