Қазақстандықтарды су тасқынынан зардап шеккендерге өтемақы төлейтіні туралы еңбек және халықты әлеуметтік қорғау министрлігінің (ЕХӘҚМ) атынан хабарлама тарататын алаяқтар туралы ескертті.
ЕХӘҚМ баспасөз қызметінің мәліметінше, төлемдерді алу үшін белгісіз адамдар «Толығырақ» түймесін басуды немесе сілтеме бойынша өтуді ұсынады.
«Мемлекет басшысының тапсырмасына сәйкес, су тасқынынан зардап шеккен қазақстандықтарға жергілікті атқарушы органдар біржолғы төлемдер жүргізеді. Олардың мөлшері әр өңірде келтірілген материалдық залалды есептеу үшін құрылған арнайы комиссиялардың шешімі бойынша жеке белгіленетін болады», - делінген хабарламада.
Көрсетілген сілтеме пайдаланушының жеке деректерін алу үшін қолданылатыны хабарланады. Ведомство алаяқтардың әрекеттерінің жағымсыз салдарын болдырмау үшін сілтеме бойынша өтпеуге кеңес берді.
«Мемлекеттік қолдаудың тиісті шаралары туралы ресми ақпарат тек 1414 нөмірінен SMS-хабарламалар арқылы таратылады. Азаматтардан ақпаратқа тек ресми дереккөздерден сенім артуды сұраймыз. Естеріңізге саламыз, жалған ақпарат тарату заң бойынша жазаланады», - деп хабарлады министрлік.