FlyArystan компаниясының Ақтөбе–Алматы бағыты бойынша 7 тамыздағы рейсінің жолаушысы ұшып келу кезінде белгісіз біреудің лазер сәулесін ұшқыштар кабинасына қарай бағыттаған сәтін бейнеге түсіріп алған.
«ZTB NEWS» Telegram-арнасының мәліметінше, жазба авторы бейнежазба бойынша жарық көзінің шамамен орналасқан жерін анықтауға болатынын атап өткен.
Бұл оқиға жаңа заң күшіне енер алдында болған. Жаңа заң әуе кемесін басқаруға лазерлік құрылғылармен және ұшқышсыз ұшу аппараттарымен кедергі келтіргені үшін жазалауды көздейді.
«Мұндай әрекеттер ұшу қауіпсіздігіне, әсіресе ұшу мен қону сияқты маңызды сәттерде тікелей қатер төндіреді. Ұшқыштар уақытша көру қабілетінен айырылуы мүмкін, бұл авиациялық оқиғаға әкеп соғуы ықтимал», - деп хабарлаған болатын Бас прокуратура.
Бұл үшін жазалау жасалған әрекеттің салдарына қарай өзгереді – айыппұл немесе қамаудан бастап 10 жылға дейінгі бас бостандығынан айыруға дейін.
Бас прокуратураның дерегінше, соңғы алты жылда Қазақстанда осындай 98 жағдай тіркелген, оның көпшілігі Алматы халықаралық әуежайында болған. Осы уақытқа дейін мұндай әрекеттер үшін заңда жауапкершілік қарастырылмаған болатын.