(19 қаңтар 2026 | Дереккөз: Астана қаласы прокуратурасының баспасөз қызметі)
Астана прокуратурасы қылмыстық-атқару жүйесі мекемелерінде сотталғандардың еңбегін ұйымдастыру кезінде заңдылықтың сақталуын тексерді.
ҚАНДАЙ БҰЗУШЫЛЫҚТАР АНЫҚТАЛДЫ
Жалақының уақтылы төленбеуі, жеке еңбек шарттарының дұрыс жасалмауы фактілері анықталды. Сондай-ақ, сотталғандардың еңбек заңнамасында көзделген нормадан асып, тәулігіне 12 сағаттан артық жұмыс істеген жағдайлары анықталды.
ҚАЛАЙ ЖОЙЫЛДЫ
Қадағалау актісі бойынша 13 сотталғанға ҚР Еңбек кодексінің 108-бабына («Үстеме жұмысқа ақы төлеу») сәйкес үстеме жұмысқа ақы төленді.
КІМ ЖАЗА АЛДЫ
Еңбекке ақы төлеу жөніндегі талаптарды бұзғаны үшін жауапты лауазымды тұлғалар ҚР ӘҚБтК-нің 87-бабына («Еңбекке ақы төлеу жөніндегі талаптарды бұзу») сәйкес әкімшілік жауапкершілікке тартылды. Жазаның түрі мен мөлшері туралы ақпарат нақтыланбайды.