Түркиядан бірнеше рет алаяқтық жасады деп күдіктелген Қазақстан азаматы экстрадицияланды.
Бас прокуратура баспасөз қызметінің мәліметінше, 2023 жылы Шымкентте күдікті басқа адамдармен бірге интернет-алаңда нарықтық бағадан төмен бағамен автомобильдерді сату туралы әдейі жалған хабарландырулар орналастырған. Заңсыз әрекеттер нәтижесінде 52 жәбірленуші 70 млн теңгеден астам қаражатынан айырылған.
Алаяқтыққа қатысушылар бұрын әртүрлі жаза түрлеріне сотталған. Қылмыс жасағаннан кейін фигуранттардың бірі жасырынып, халықаралық іздеу жарияланған. Ағымдағы жылдың тамыз айында ол Түркия аумағында ұсталған.
Қазіргі уақытта күдікті тергеу изоляторына орналастырылды. Оған мүлкін тәркілеумен үштен жеті жылға дейін бас бостандығынан айыру түріндегі жаза қауіп төндіреді.
Еске салайық, бұған дейін Бас прокуратураның сұрауы бойынша Қырғызстаннан Алматы облысы аумағында бірқатар алаяқтық әрекеттер жасады деген күдікке ілінген азамат экстрадицияланған болатын.