Азат Нұғманов Тараздағы «Әулие-Ата халықаралық әуежайы» АҚ басшысы қызметінен кетті.
Бұл туралы «Berkut 001» Telegram-арнасы хабарлады. Бұрынғы әуежай басшысы адамдарды жоғары лауазымдарды ұсынып алдаған алаяқтарға қатысты қылмыстық іс бойынша атаққа ие болған болатын.
Мысалы, «Диапазон» деректері бойынша, 2022 жылы қылмыскерлер Азат Нұғмановқа $500 мың долларға Ақтөбе әкімі болуды ұсынған. Өз кезегінде Нұғманов оларға $250 мың доллар берген.
Ақша берген алаяқтардың ұсталғанын білген ол дереу полицияға жүгініп, жәбірленуші мәртебесін алғаны хабарланады.
Содан кейін 2023 жылы шілдеде оны Ақтөбедегі «Әлия Молдағұлова атындағы халықаралық әуежай» АҚ басқарма төрағасы қызметіне тағайындады. Қыркүйекте ол қызметінен кетіп, бір айдан кейін Тараздағы «Әулие-Ата халықаралық әуежайы» АҚ басшысы болып жаңа жұмыс алды.
Сол кезде көпшіліктің, Нұғмановты әуежайды басқаруға қалай жіберді, әлі таяуда сыбайлас жемқорлық дауына қатысты емес пе еді деген сұрақтары туындады.
Алайда, біз көріп отырғандай, жаңа қызметте ол ұзақ тұра алмай, Тараз әуежайының басшысы болып небәрі алты ай болды.