Еске салайық, Нұрлан Ноғаев Маңғыстау облысының әкімі болып Президенттің Жарлығымен 2021 жылғы 7 қыркүйекте тағайындалған еді. Қазақстанның ең батыс өңірінің басшысы болып бүгінгі күнге дейін қызмет атқарды.
«Мемлекет басшысының Жарлығымен Нұрлан Асқарұлы Ноғаев Маңғыстау облысының әкімі қызметінен босатылды», — деп хабарлады Ақорда баспасөз қызметі.
2006 жылы Ноғаев «ҚазМұнайГаз» ҰК» АҚ атқарушы директоры қызметін атқарды. Сол жылы энергетика және минералдық ресурстар министрлігіне мұнай өнеркәсібі департаментінің директоры қызметіне ауысты.
2007 жылы БҚО әкімінің орынбасары болып тағайындалды. 2012 жылы БҚО әкімі болды. 2016 жылдан 2019 жылға дейін Атырау облысының әкімі болды. Содан кейін 2019 жылдан 2021 жылға дейін энергетика министрі қызметін атқарды.
Сондай-ақ, бүгін Қасым-Жомарт Тоқаев Қазақстан сыртқы істер министрінің бірінші орынбасарын тағайындағаны хабарланады. Ол Ақан Рахметуллин болды. Бұған дейін ол ҚР БҰҰ жанындағы тұрақты өкілі қызметін атқарған.
Енді өкілдіктегі оның орнын Қайрат Омаров алады. 2022 жылдың қазан айынан бастап ол ҚР Сыртқы істер министрінің бірінші орынбасары болды.
Сонымен қатар, Президент Қазақстанның Халықаралық азаматтық авиация ұйымы жанындағы тұрақты өкілін тағайындады. Ол Темір Төлегенов болды — бұған дейін Азаматтық авиация комитеті төрағасының орынбасары.
Осыдан басқа, Тоқаев Қазақстанның Дүниежүзілік сауда ұйымы жанындағы тұрақты өкілін ауыстырды. Бұған дейін бұл қызметті Жанар Айтжан атқарған еді. Енді бұл лауазымға Әсет Ирғалиев тағайындалды, ол 2023 жылдан бастап ҚР Президентінің экономикалық мәселелер жөніндегі көмекшісі болған.