Ақтөбе облысының сотында білім беру жүйесінің төрт қызметкері қатысқан пара алу және беру ісі қаралуда.
«HALYQSTAN» Telegram-арнасының мәліметінше, басты айыпталушы — Ақтөбе облысы білім беру саласындағы сапаны қамтамасыз ету департаменті бөлімінің басшысы қызметін атқарған 46 жастағы Асқар Кемешов.
Тергеу Кемешовтің мектеп директорларынан олардың аттестаттау қорытындылары бойынша оң қорытынды алу үшін бірнеше рет пара алғанын алға тартады.
Онымен бірге айыпталушылар лауызымында Ақтөбе қаласындағы №74 мектептің бұрынғы директоры, Нарқұзыл орта мектебінің директоры, сондай-ақ айыптау тарапы ақша аударуда делдал деп атайтын Ырғыз аудандық білім бөлімінің қызметкері отыр.
Қолда бар ақпаратқа сәйкес, іс пара алу, беру және парақорлыққа делдалдық жасау баптары бойынша қаралуда. Егер айыпталушылардың кінәсі дәлелденсе, оларға ірі айыппұлдан бас бостандығынан айыруға дейінгі жаза қаупі төніп тұр.
Сотта куәларды жауапқа тарту және тергеу ұсынған дәлелдемелерді зерттеу жоспарлануда.
Еске сала кетейік, қыркүйек айында Ұлытау облысы Жезқазған қалалық сотында Сәтбаев қаласы білім бөлімінің №2 балалар музыка мектебінің бұрынғы бухгалтеріне үкім шығарылды.
Ол өзіне заңсыз түрде жоғарылатылған жалақы төлеген. Сонымен қатар, ол білім беру мекемесінде нақты жұмыс істемеген адамдарға жалақы есептеген. Оның әрекеттерінен келтірілген залал 28 млн теңгеден асқан.