Жезқазған қалалық соты Ұлытау облысы бойынша Сатпаев қаласы білім бөлімінің №2 балалар музыка мектебінің бұрынғы бухгалтеріне үкім шығарды. Ол бюджет қаражатын жымқырғаны үшін кінәлі деп танылды.
Сот баспасөз қызметінің мәліметінше, 2024 жылдан 2025 жылға дейін іске тартылған адам өзіне заңсыз түрде жоғарылатылған жалақы төлеген. Сонымен қатар, ол білім беру мекемесінде нақты жұмыс істемеген адамдарға жалақы есептеген. Оның әрекеттерінен келтірілген залал 28 млн теңгеден асқан.
Сот отырысында мемлекеттік айыптаушы айыпталушының кінәсін дәлелдейтін дәлелдемелер ұсынды. Нәтижесінде сот әйелді кінәлі деп танып, 5 жыл 4 ай бас бостандығынан айыру және сол мерзімге бухгалтерлік қызметпен айналысуға тыйым салу түріндегі жаза тағайындады. Үкім заңды күшіне енген жоқ.
Естеріңізге сала кетейік, бұрын БҚО-да Теректі ауданының Орталық кітапхана жүйесінің бухгалтерлері 45,9 млн теңге жымқырғаны үшін сотталған болатын (https://t.me/fund_anticorr/9424).