Мангистау облысы бойынша Бәсекелестікті қорғау және дамыту агенттігінің (БҚДА) Департаменті Ақтау халықаралық әуежайының автокөлік тұрағына қатысты тергеу бастады.
Ведомство баспасөз қызметінің мәліметінше, іс бағаны негізсіз көтеру және бәсекелестік қағидаттарын бұзу күдігі бойынша тергелетін болады. Себебі – тұрақ құнының өсуі: автотұрақта 15 минуттан артық тұрғаны үшін 500 теңге мөлшерінде алым алынады.
«Алдын ала нәтижелер әуежай қызметін пайдаланатын халықтан ақша жинау арқылы өте жоғары пайда табу мақсатында теріс пайдалану мүмкін екенін көрсетеді», - делінген хабарламада.
Монополияға қарсы заңнаманың бұзылуы расталған жағдайда, әуежайға концессиялық шартты бұзу немесе оның талаптарын өзгерту туралы нұсқама беріледі.
______________
Анықтама үшін: концессия – мемлекеттің белгілі бір мерзімге жеке компанияға қандай да бір объектіге мүліктік құқықтарды беретін шарты.
Еске салайық, наурыз айында Павлодар әуежайының бағасын негізсіз көтеріп, көлік сатып алмақ болғаны хабарланған болатын. Ұйым 64,4 млн теңгеге екі жүк көлігін, 46,4 млн теңгеге сорғы машинасын және 31 млн теңгеге өздігінен түсіретін көлікті сатып алуды жоспарлаған.
Алайда, мұндай арнайы техниканың құны көрсетілгеннен әлдеқайда төмен болып шықты. Мысалы, нарықтағы сорғы машиналарының орташа бағасы 21 млн теңгені, ал өздігінен түсіретін көліктің шамамен құны 25 млн теңгені құрайды. Антикор еріктілерінің араласуынан кейін сатып алу тоқтатылды.
Маусым айында Нұрсұлтан Назарбаев атындағы елордалық әуежайда қаржылық бұзушылықтар анықталды. Әуежай жабдықты жоспарланғаннан әлдеқайда қымбатқа сатып алған. Бастапқыда сыпырғыш-үрлегіш машиналарды 936 млн теңгеге сатып алу жоспарланса, соңында 1,3 млрд теңге жұмсалған. Өз кезегінде әуежай өкілдері бұны жобаның қаржы-экономикалық негіздемесі 2020 жылы әзірленіп, содан бері бағаның өскенімен түсіндірген.