Прокуратура Ақтөбе адам ағзаларын сату әрекетін анықтады.
«Заң және Тәртіп» идеологиясын іске асыру аясында интернет-кеңістікті мониторингілеу барысында Ақтөбе облысы прокуратурасының қызметкерлері Ақтөбе тұрғынының өзінің ішкі ағзаларын сату бойынша ықтимал заңсыз мәміле туралы ақпарат алды», - деп хабарлайды ведомствоның баспасөз қызметі.
Осы мәліметтер негізінде облыс прокуратурасының қаулысымен полиция департаменті жедел-іздестіру іс-шараларын жүргізді. Нәтижесінде өзінің ішкі ағзаларын 15 млн теңгеге сатпақ болған күдікті ұсталды.
Осы факті бойынша құқық қорғау органдары ҚК 116-бабының 1-бөлігі («Адамның ағзалары мен тіндерін алуға мәжбүрлеу немесе заңсыз алу») бойынша сотқа дейінгі тергеуді бастады.
Еске сала кетейік, былтырғы жылдың ақпан айында Көкшетауда полицейлер адам ағзасын сатудың жолын кескен болатын. Ақтөбелік тұрғын өз бүйрегін $18 мыңға бағалап, интернетте хабарландыру берген. Ол ағзаны сатуға шығарып, хирургиялық операцияны сатып алушы ұйымдастыруы керек деген шарт қойған.
Қыркүйек айында Ақтөбе прокуратурасының қызметкерлері интернетті мониторингілеу кезінде өзінің ішкі ағзаларын 9 млн теңгеге сатпақ болған жергілікті тұрғынды ұстады.
Белгілі болғандай, Қазақстандағы осындай алғашқы қылмыс 2015 жылы тіркелген болатын. Сонда тергеу Астанада тараптардың трансплантациялау үшін бүйректі $15 мың сомаға сатуға келіскенін анықтаған. 2016 жылы сатып алушы бір жарым жылға шартты түрде сотталған.